Tagebuch

Nach zwei Tagen Langnau wissen wir einmal mehr, dass gewisse Orte ihre Namen zu Recht haben. In Langnau dauert drum alles etwas länger.
Unsere Kassenfrauen die die Mentalitäten vor Ort jeweils zuerst spüren, sind von daher Spezialistinnen auf diesem Gebiet, und bevor wir nun ausführlich beschreiben, wie es so ist in Langnau, veröffentlichen wir hier ein Protokoll eines ganz normalen Gesprächs an der Zirkuskasse in Langnau i.E.:

(K = Kassenfrau, Z = Zuschauerin)

K: Grüezi.
Z: Grüüäässääch...
K: Was hättet Sie gern?
Z: Zwöi Mou.
K: Ja gärn,... zwei mal was?
Z: Zwöi Erwachsnigi.
K: Guet,... und was für Plätz möchtet Sie?
Z: Jo, dänk öppe ir Mitti...
K: Also, i de Mitti hemmer d'Manege und d'Sitzplätz rundume. Lueget Sie mal uf dem Plan - möchtet Sie im rote oder im gälbe oder im blaue Teil sitze?
Z: Jaa, eifach ned z'tüür!
K: Aha. Uf de Site hämmär d'Priise aagschribe, weli Kategorie möchtet Sie?
Z: Jo, do, z'Ungerschte...
K: Meinet Sie jetzt de billigschti Priis, oder de underschti Platz?
Z: Nei, i wott ned z'vorderscht häre, süsch mues i no i d'Manege!
K: Sie chönted drum au die tüürschte Plätz näh und müessted nöd z'vorderscht sitze.
Z: Auso, de nimeni die!
K: Weli?
Z: Die für 18 Frankä.
K: Die sind aber z'oberscht und ganz uf de Siite!
Z: Jo, das isch gliich...
K: Guet. Möchted Sie gärn no es Programmheft?
Z: Es Programm? Ou,... du Heiri, bruuche mer es Programm?
Was choschteti dä das no?
K: Es git zwei verschiedeni, eis für 3 und eis für 5 Franke.
Z: Aha. Ähm – Du Heiri...?
u.s.w.

(Wir danken Brige für die Aufzeichnung des Gesprächs und senden herzliche Grüsse in die Kasse!)